Аргентинецот Лионел Меси е најплатен фудбалер во светот, според ранг листата што ја состави француски „Лекип“. Месечната бруто плата на капитенот на Барселона е 8,3 милиони евра за разлика од Кристијано Роналдо кој во Јувентус заработува 4,5 милиони евра. Трет е Бразилецот Нејмар чии три милиони евра во ПСЖ, го прават најплатен играч во Франција.
По нив е напаѓачкиот двоец на Барселона, Антоан Гризман и Луис Суарез кои на „Камп Ноу“ имаат плата од приближно три милиони евра.
Во топ 10 има и двајца членови на Реал Мадрид – Герет Бејл и Еден Азар кои се платени по 2,5 милиони евра месечно, потоа Фелипе Кутињо (Барса го позајми на Баерн М., и Алексис Санчез од Манчестер кои заработуваат по, отприлика, 2,3 милиони евра. На последното место на листата на десет најлатени фудбалери во светот е француски репрезентативец, Килијан Мбапе со месечна плата од околу два милиона евра.