Расте интересот за пописот, викендов се попишале повеќе од 20 илјади иселеници

Јасмина Ѓоргиева од Државниот завод за статистика вели во последното деноноќие се самопопишале преку електронската апликација над 20 илјади македонски државјани кои живеат  во странство, а вкупната бројка достигнала 121.580 лица.

– Претпоставуваме дека ова нагло зголемување на бројката на самопопишани е поради викендот, кога луѓето имале повеќе слободно време – вели Ѓоргиева.

Иселениците во Швајцарија засега со најголем одзив на пописот, по нив следуваат тие од Германија и Италија.