Александар Исак сака да се приклучи на Ливерпул и покрај тоа што Њукасл не го пушта да си оди. Најдобриот играч на „страчките“ штрајкуваше и предизвика целосен раскол со раководството на клубот.
Шведскиот напаѓач тренира самостојно од минатиот месец, кога му соопшти на одборот на Њукасл Јунајтед дека сака да се приклучи на Ливерпул. И без знаци дека ќе се предомисли, клубот планира да преземе строги мерки.
Исак ќе биде казнет ако одбие да игра на официјални натпревари. „Страчките“ не го казниле за одбивањето да патува на Далечниот Исток, ниту за пропуштање на пријателски натпревари. Тие продолжуваат да му плаќаат плата од 130.000 фунти неделно.
Според таблоидот „Сан“, финансиски санкции ќе бидат применети ако Исак пропушти официјален натпревар. Првата казна би можела да дојде уште во сабота, ако одбие да игра против Астон Вила на почетокот на сезоната 2025/2026 во Премиер лигата.
Менаџерот Еди Хау јасно стави до знаење дека го сака најдобриот стрелец од минатата сезона назад во својот тим. Но, тој признава дека иднината на играчот, кој го доби дресот со број 14 за оваа сезона, е нејасна.
„Мислам дека многу работи сè во прашање. Многу пати сум рекол дека има договор со нас. Тој е наш играч. Клубот ќе донесе одлука за неговата иднина. Не знам каква ќе биде таа. Секако, имам преференции. Сакам најдобар и најсилен можен тим, но сакам и играчи кои навистина сакаат да играат за овој фудбалски клуб“, рече Хау.
Ливерпул веќе понуди 130 милиони евра за шведскиот интернационалец, но Њукасл го цени на 170 милиони и инсистира на таа сума ако сака да го пушти.
Во исчекување на одлука, Њукасл се подготвува да ги финализира потпишувањата на играчите од средниот ред Џејкоб Ремзи (Астон Вила) и Џоан Визе (Брентфорд). Ремзи ќе потпише петгодишен договор во петок откако ќе ги помине медицинските прегледи.