Разрешена директорката на Козле, која забрани да и се спомнува името во медиуми

Министерот за здравство Арбен Таравари денеска потпишал решение за разрешување на досегашната директорка на болницата Козле, Каролина Симоновска и за нова директорка е назначена професорката Катерина Бошковска дознава „Слободен печат“ од извори во болницата, каде што ова решение веќе пристигнало.

Вршителката на должноста директор на Клиниката за белодробни болести кај децата „Козле“, вчера во допис до медиумите сподели дека забранува нејзиното име да се споменува во медиумите, во каков било контекст инаку ќе тужела.