Реал Мадрид, актуелниот шпански шампион и минатосезонски освојувач на Лигата на шампионите, официјално објави дека 23-годишниот бразилски фудбалер Родриго е надвор од игра.
Во последните два натпревари на почетокот на декември, против Хетафе и Атлетик Билбао, Родриго играше во првиот тим, но затоа беше изоставен од составот на крајот на ноември за време на натпреварите против Леганес и Ливерпул во Лигата на шампионите.
Родриго го повреди мускулот на левата нога и допрва треба да оди на детални тестови за да се утврди вистинската тежина на повредата. Извесно е дека нема да игра во сабота кога Реал во Ла Лига гостува кај Жирона во 16. коло, а речиси сигурно ќе го прескокне гостувањето на Бергамо кај Аталанта во Лигата на шампионите следниот вторник.
Со натпревар помалку од Барселона, Реал има четири бода помалку од големиот ривал, кој е на првото место во поредокот во Ла Лига. Во Лигата на шампионите, мадриѓаните се само на 24. место со шест бода од пет натпревари. Таа позиција е последната што обезбедува премин.
Во Реал моментално се повредени Дани Карвахал, Едер Милитао, Давид Алаба, Винисиус Жуниор и Едуардо Камавинга.