Повеќе од сто илјади деца во САД загубија родител за време на пандемијата „Ковид-19“, според нова студија.
Експертите проценуваат дека 129.630 деца во Соединетите држави го загубиле својот примарен старател или родител поради инфекција со Ковид. Други 22.007 загубија секундарен старател, како што се баби и дедовци кои живеат во исто домаќинство.
Треба да се напомене дека студијата користела податоци од април 2020 година до крајот на јуни 2021 година, така што бројот на деца кои останале без родител за време на пандемија најверојатно ќе биде поголем.
„Кога детето ќе загуби родител или старател, ќе му треба помош додека не наполни 18 до 24 години. Се појавува проблемот, кој ќе трае многу години“, вели Сузан Хилис од американскиот Центар за контрола и превенција на болести (ЦДЦ) пренесе NBC News.
Педијатарот Ричард Бесер, поранешен вршител на должноста директор на ЦДЦ, се согласува. Бесер наведува дека децата кои го губат примарниот старател се соочуваат со други сериозни проблеми, како што се ризикот од иселување или потребата за промена на училиште.
Речиси една четвртина од децата во САД живеат со само еден родител, а околу 4,5 милиони од нив живеат со нивните баби и дедовци кои обезбедуваат сместување.
Новото истражување на ЦДЦ, исто така, покажа огромни расни и етнички разлики. Негуватели загубиле 1 од 753 деца со бела кожа, 1 од 412 деца од Латинска Америка и 1 од 310 деца со црна кожа.
Според пописот, околу 60 проценти од населението во САД е бело, а околу 40 проценти од нив се идентификуваат со расни или етнички малцински групи.
„Спротивно на тоа, 65 проценти од децата кои ги загубија своите родители од ковид-19 припаѓаат на расни и етнички малцинства, наспроти 35 проценти од белците. Тоа е навистина една од најекстремните разлики што сум ги видел“, рече Хилис.