Фондацијата Отворено општество објави дека планира да го ограничи доделувањето грантови до февруари, бидејќи преминува на нов модел на работа под нејзиниот нов шеф, синот на Џорџ Сорос, Алекс.
Портпаролот на Фондацијата рече дека паузата во финансирањето нема да влијае на сегашните носители на грантови.
Во писмото упатено до „пријателите и партнерите“ на Фондацијата Отворено општество, нејзиниот претседател Марк Малох-Браун напиша: „Технолошките, еколошките, политичките и социо-економските промени ги предизвикуваат идеалите на отвореното општество ширум светот“. Овие промени бараат од нас да ја преиспитаме филантропијата“.
Како дел од ревизијата, персоналот на ОО од 800 луѓе во 20 земји ќе се намали за 40 проценти, а ќе има и промени во грантовите.
Ова често ќе значи повеќегодишни обврски (кон Фондацијата) кои ќе им овозможат на нашите партнери да преземат амбициозна, долгорочна акција со јасни мерливи цели кои не би биле исполнети без вклучување на Отвореното општество, напиша директорот Малох-Браун, додавајќи дека ОО ќе ги почитува постоечките финансиски обврски, но можеби нема да обнови некои од нив.
Некои носите на грантови се загрижени за влијанието што промените ќе го имаат врз нивното финансирање, велејќи дека неизвесноста сама по себе има цена, особено за малите организации.
Отворено општество е еден од најголемите финансиери на организациите за човекови права, а исто така финансираше непрофитни организации кои се залагаат за слобода на говорот, работат на третман и политика за зависности од дрога, а од неодамна и на „климатска правда“.
Фондацијата донираше 1,5 милијарди долари на глобално ниво во 2021 година, последната година за која се достапни целосни податоци. Тоа вклучува 401 милион во САД и 209 милиони во Европа и Централна Азија.
Малох-Браун, исто така, претстави ново извршно раководство: потпретседателите Педро Абрамоваи и Бинифер Нороји, и потпретседателот и главен оперативен директор Сандра Брек. Алекс Сорос беше избран за претседател на одборот на Отворено општество минатиот декември.