Рекордна добивка на лотарија: Британец освои 195 милиони фунти

Неименуван сопственик на тикет од Велика Британија освоил рекорден џек пот од 195 милиони фунти на лотаријата EuroMillions, објави организаторот на лотаријата „Камелот“.

Тоа е и најголемата добивка на сите времиња на лотарија која се организира низ цела Европа, објави „Камелот“, а претходниот рекорд изнесуваше 184 милиони фунти во мај оваа година, пренесува „Ројтерс“.

Извлекувањето на EuroMillion броевите се одвива двапати неделно, во вторник и петок, а лотаријата се организира во 13 европски земји.