Ретклиф ќе отпушти четвртина од целиот персонал на Манчестер Јунајтед

Новиот малцински сопственик на Манчестер Јунајтед, Сер Џим Ретклиф планира да намали до ¼ од целиот персонал на клубот. Целта е да се намалат трошоците и во исто време да се спроведе многу важното реструктуирање. Поради ова, британскиот милијардер ќе ги користи услугите на врвни консултанти за да помогне во структурата на клубот на таков начин што ќе може да биде поконкурентен.

Според „Мирор“, Ретклиф, кој сега ќе биде задолжен за сите фудбалски работи, смета дека во клубот има превработеност и дека би бил подобар доколку се намали персоналот.

Манчестер Јунајтед е клубот со најголем персонал во Премиер лигата, со вкупно околу 1.200 вработени. За споредба, Ливерпул, Манчестер Сити и Арсенал имаат помалку од 1.000 вработени.