133
“Мислам дека не треба да верувате на сè”. Така Ријана ги коментира гласините за врската со актерот Леонардо ди Каприо.
27-годишната пејачка жнее успеси на полето на шоу-бизнисот и нема време за љубовни врски, пишуваат американските медиуми. Претходно овој месец, сепак излезе информација дека барбадоската убавица е во врска со ѕвездата од “Волкот од Волстрит” и дури се преселила во неговата куќа.
Откако портпаролот на Леонардо ги негираше гласините тоа го потврди и самата Ријана за списанието “Hello”.
“Мислам дека не треба да верувате во сѐ, за да не бидете измамени”, рече таа. Ријана изјави дека во моментов ѝ служи само на музиката и нејзината работа како лице на Диор.