Регулаторна комисија за енергетика и водни услуги на РСМ им препорачува на компаниите кои што се вршители на енергетски дејности, како и на јавните претпријатија во наредните две недели да не ги исклучуваат граѓаните поради неплатени сметки за електрична енергија, топлинска енергија и вода.
„Имајќи ја во предвид одлуката на Владата на Република Северна Македонија за превенција од ширење на корона вирусот и пандемијата што е прогласена од Светската здравствена организација, Регулаторната комисија за енергетика и водни услуги на РСМ со оваа препорака има за цел да им укаже на компаниите и јавните претпријатија чие работење е под надлежност на РКЕ да покажат хуманост и да се воздржат од активности што би влијаеле врз здравјето на човекот – изјави Марко Бислимоски, претседател на Регулаторна комисија за енергетика и водни услуги на Република Северна Македонија.