Роби Вилијамс заедно со Queen во раните 2000-ти ја сними својата верзија на нивниот хит „We are the champions“, по што добил понуда да биде дел од култниот бенд.
Вилијамс одбил, по што оттогаш, па до денес, со нив како вокал настапува Адам Ламберт.
„Иако сум многу сигурен како пејач, всушност и немам голема самодоверба“, изјавил Роби, додавајќи дека се плашел дека може да направи грешка и да не ги исполни очекувањата. Тој изјавил дека има доволно самопочит да не го направи тоа и дека идејата да застане на местото на такво легендарно име му била страшна.
Од друга страна, тој смета дека Адам Ламберт е токму она што им е потребно на Queen и дека се работи за талент кој не се плаши од својот неверојатен глас. Додава и дека иако никој не очекувал да биде нов Фреди, нему тешко му паднала помислата на толку голема одговорност.