Ролинг Стоунс се враќаат на сцената

Групата Ролинг Стоунс се враќа на концертната сцена во Чикаго вечерва откако ја одложи својата
турнеја низ Северна Америка поради хируршки зафат на Мик Џегер.

Концертот е на стадионот „Солџер Филд“, а следната недела во вторник ќе има уште едно шоу.

Минатиот месец бендот ја објави програмата, која вклучува класични хитови како „Sympathy for the
Devil“ и „Paint it Black“.

Мик Џегер, 75, беше подложен на замена на аортната валвула во Њујорк на почетокот од април. Со
овој метод, заздравувањето е побрзо, објави Асошиејтед прес.

Во средината на мај, тој објави снимка на социјалните мрежи како танцува во студио.

Турнејата „No Filter“ на Ролинг Стоунс” содржи 17 концерти во САД и Канада.