Ден по освојувањето на рекордната 15. европска шампионска титула стана јасно: Килијан Мбапе (25) доаѓа во Реал Мадрид! Ова го соопшти трансфер експертот Фабрицио Романо, кој неодамна го придружуваше на збогувањето со ПСЖ.
Сите документи со францускиот напаѓач се потпишани и запечатени, тој одлуката ја донесе уште во февруари, а во наредните денови или недели „кралскиот клуб“ официјално ќе објави дека Мбапе ќе пристигне на „Сантијаго Бернабеу“ како слободен играч.
Според некои извори, веќе во понеделник или вторник. Мбапе нема да може официјално да се претстави пред навивачите во Мадрид бидејќи е со Франција на Европското првенство, тоа би можело да се случи дури кон средината на јули.
Сагата околу доаѓањето на Мбапе во Реал Мадрид трае повеќе од една година, а минатата година тој беше многу блиску до „Бернабеу“, но во последен момент се откажа и реши да потпише нов договор со ПСЖ. Но, тој им најави на навивачите дека по Европското нема да остане на „Паркот на принцовите“ каде што остана седум години.
🚨 Kylian Mbappé to Real Madrid. HERE WE GO. pic.twitter.com/hKfag3Hmru
— Fabrizio Romano (@FabrizioRomano) June 2, 2024
Колку ќе заработува Мбапе во Реал?
Договорот на Мбапе во Реал би требало да изнесува пет милиони евра, а се шпекулира дека неговата плата ќе биде околу 15 милиони евра. За таков играч не звучи премногу, но на тоа треба да се додаде и бонус за потпис од дури 150 милиони евра, кои ќе му бидат исплатени во текот на пет сезони, па практично ќе заработува 45 милиони евра годишно.