Светската фудбалска ѕвезда Кристијано Роналдо го поддржува својот син Роналдо Јуниор, кој тргна по неговите фудбалски стапки.
Капитенот на португалската репрезентација сака да игра заедно со своето дете на теренот, како што тоа го направија Леброн Џејмс и неговиот син Брони во НБА. Роналдо, сепак, призна дека предизвикот е повеќе во рацете на неговиот наследник.
Фудбалерот на Ал-Наср се стреми да следи сличен пат со своето најстаро дете Кристијано Џуниор. Неговиот син има 15 години и игра во академијата на Ал-Наср. CR7 вчера наполни 40 години, но нема намера наскоро да се откаже од својата омилена игра.
„Сакам, го сакам тоа, се разбира. Тоа не е нешто што ме држи буден ноќе, но ми се допаѓа идејата. Ќе видиме. Ова е повеќе во негови раце отколку во мои. Годините почнуваат да минуваат… Ќе дојде време кога тоа веќе нема да биде возможно. Не само физички, туку и психолошки“, сподели Кристијано Роналдо.
„Но, ова не е моја опсесија. Тој ќе го следи својот пат, својот правец. Ќе бидам горд татко, ќе бидам горд на се што сака да прави. Ако игра, ќе биде супер, ако не игра, важно се обидел. Барем татко му се обиде. Но и тоа нема да ми биде проблем“, додаде Кристијано за својот син.
Фудбалската ѕвезда прецизираше и дека ќе продолжи да се натпреварува се додека се чувствува способен за тоа.