Директорот на Клиниката за инфективни болести во Џенова, професорот Матео Басети, даде интересен предлог во кој сака да ги вакцинира сите фудбалери кои играат во Серија А, а ги има околу 600.
Предлогот наиде на позитивни реакции и брзо се прошири преку социјалните мрежи, а според тој лекар, имунизацијата на фудбалерите ќе донесе повеќекратна корист.
– Ширењето на вирусот меѓу спортистите би се спречило, одложувањето на фудбалските натпревари, како неодамна Торино и Лацио, би се избегнало поради жариштето на вирусот откриен меѓу играчите, а вакцинирањето на фудбалерите ќе испрати силна порака до навивачите да прифатат имунизација – рече тој.
Најважното име во целата акција е, се разбира, Кристијано Роналдо. Тој сигурно би бил добра „реклама“ за вакцинација.
– Замислете Кристијано Роналдо да се вакцинира? Колку фанови би го следеле неговиот пример, истакна угледниот доктор Басети.
Сигурно е дека огромен број на фудбалски фанатици и португалски симпатизери би „потрчале“ кон вакцината доколку го видат и тој како ја прима.