Кристијано Роналдо успеа да мине без црвен картон на натпреварот против Ирска, откако го удри Дарa О’Шеј.
Ирецот го испровоцира Роналдо пред пеналот за Португалија, ја турна топката што ја намести Роналдо, а Кристијано наседна.
Го удри противникот по рамо, кој се правеше дека добил удар во лицето.
Судијата не виде што точно се случи, бидејќи разговараше со други играчи, што може да се види на видеото, па Роналдо имаше среќа.
Можеше да добие црвен картон, што ќе беше голем удар за Португалецот, а мина и без жолт картон.
Роналдо не го искористи пеналот, Ирците потоа дојдоа во водство, но повратникот во Манчестер Јунајтед сепак го реши натпреварот.
Тој постигна гол во 89. минута, ја затресе мрежата за пресврт во 96. минута, а потоа го соблече дресот и доби жолт картон.
Затоа, тој ќе го пропушти квалификацискиот натпревар против Азербејџан.
Тој не се извини што го удри противничкиот играч, туку што го соблече дресот.
„Заборавив дека ми се заканува суспензија, тоа беше емоција што ја носеше натпреварот. Можеби тренерот ќе ме „кара“, но не е важно. Најважно е што му помогнав на тимот. Жал ми е, но понекогаш емоциите зборуваат погласно“, изјави Роналдо.
Португалците гостуваат во Азербејџан на 7 септември, а навивачите на Манчестер Јунајтед со нетрпение го дочекаа овој картон.
Роналдо ќе го напушти кампот на репрезентацијата и ќе им се придружи на новите соиграчи порано.
Останува да видиме дали ќе биде поведена дисциплинска постапка за удирање на противничкиот играч, или дали Роналдо ќе се „провлече“ како голема sвезда.
За сличен потег, Меси неодамна беше суспендиран во Барселона.
Christiano Ronaldo slaps Ireland 🇮🇪 player for no reason.. 🤔 pic.twitter.com/u2vCD9SLHz
— Thandaza Nolokwe (@ThandazaNolokw4) September 1, 2021