Кристијано Роналдо запиша уште еден славен рекорд на своето име. Тој го постигна својот 900 гол на натпреварот од групната фаза на Лигата на нации на УЕФА помеѓу Португалија и Хрватска (2:1).
Португалецот во 34. минута од првото полувреме го удвои водството на Португалија на натпреварот по асистенцијата на Нуно Мендеш. Емотивниот Роналдо го прослави голот со истегнување на рацете додека трчаше кон аголот на теренот пред да ги стави рацете на лицето и да падне на земја.
Голот на Роналдо беше негов 131-ви за Португалија, зголемувајќи го неговиот рекорд за најмногу репрезентативни голови во светскиот фудбал. Покрај овој, тој има 769 гола во клупската кариера – 450 за Реал Мадрид, 145 за Манчестер Јунајтед, 101 за Јувентус, 68 за Ал-Наср и 5 за Спортинг Лисабон. Така капитенот на Португалија стана првиот играч во историјата кој постигнал 900 голови на официјални натпревари.
I dreamed of this, and I have more dreams. Thank you all! pic.twitter.com/2SS3ZoG2Gl
— Cristiano Ronaldo (@Cristiano) September 5, 2024
Роналдо сериозно води по овој показател пред неговиот голем конкурент Лионел Меси, кој е на втората позиција на оваа ранг листа со 842 гола. Третото место е на легендата Пеле со неговите 765 голови.
„Емотивен сум бидејќи ова е важен настан. Се чини како и секој друг јубилеен гол, но само јас и луѓето околу мене знаеме колку работа треба да вложувам секој ден за да можам да ги постигнам тие 900 гола. Ова е уникатен момент во мојата кариера. Сега целта ми е да стигнам до 1.000 гола. Ако немам никакви повреди, тоа ќе биде најважното нешто кон што ќе се стремам понатаму. За мене досега голема цел беше да бидам првиот што ќе стигне до 900 гола. Откако успеав со овој предизвик, сега си поставив нова цел од 1.000 гола“, изјави возбудениот Роналдо по тој повод.