Американскиот државен секретар Марко Рубио се огласи на социјалните мрежи за да го поддржи претседателот Доналд Трамп по неговата жестока расправија со украинскиот лидер Володимир Зеленски. Поради оваа објава доби критики од бројни политичари во Америка.
На Рубио, судејќи според фотографиите од Белата куќа, му било крајно непријатно за време на оваа дискусија, но неговата објава на Х по средбата не го навестува тоа.
„Благодарам претседателе Трамп што застана во одбрана на американскиот народ на начин ниту еден претседател пред вас немаше храброст да го стори тоа. Ви благодариме што ја ставивте Америка на прво место. Америка е со вас“, напиша Рубио, за што доби бројни критики.
Bro, did you write this? We all saw you. You tried to shrink in your chair. You looked at Trump like he was some crazy ass pops who was embarrassing you on your first date. Don’t bullshit us. Grow a pair. https://t.co/P3r1UXo8nW
— Rep. Eric Swalwell (@RepSwalwell) February 28, 2025
Најгласен беше Ерик Свалвел, член на Претставничкиот дом на САД од Калифорнија, кој имаше остри зборови за државниот секретар.
„Дали воопшто го напиша ова? Сите те видовме. Се обиде да се „стопиш“ во столот. Го гледаше Трамп како луд татко кој те срами на првиот состанок со девојка. Не нè лажете“, сподели Свалвел, коментирајќи дека Рубио треба да ги „најде своите топки“.
Покрај ова, Рубио доби и бројни други критики дека е „кукавица“, додека другите корисници на социјалната мрежа Х масовно одговорија на оваа објава со фотографија од Белата куќа на која јасно се гледа колку на американскиот државен секретар му било непријатно за време на „дебатата“.