Соединетите Држави ќе престанат да посредуваат во мировните преговори меѓу Русија и Украина во наредните денови доколку не се појават јасни сигнали дека може да се постигне мировен договор, изјави денеска американскиот државен секретар Марко Рубио.
„Ова не е наша војна. Ние не го започнавме. САД и помагаат на Украина во последните три години и сакаме тоа да заврши, но тоа не е наша војна“, рече Рубио, пренесе Си-Ен-Ен.
Тој нагласи дека американскиот претседател Доналд Трамп се уште е заинтересиран за постигнување договор, но дека е подготвен да се справи со „другите светски проблеми“ доколку нема договор меѓу Киев и Москва, пренесува Ројтерс.
„Треба да утврдиме дали е можно да се стави крај на војната во Украина, а ако тоа не е можно, ако сме толку далеку од решение, претседателот веројатно ќе каже дека е готово“, рече Рубио на прес-конференција во Париз.