Дефанзивецот на Челси, Антонио Рудигер планира да донесе конечна одлука за својата иднина во рок од неколку дена. Тој му постави рок на раководството на тимот од Лондон да одлучи дали ќе му понуди нов договор и тој е до крајот на април. Доколку не добие понуда, или таа не го задоволи, Германецот ќе бара друг тим, пренесе „Атлетик“.
29-годишниот дефанзивец стана клучен играч во одбраната на Челси под водство на Томас Тухел. Сезонава има забележано 47 натпревари на сите турнири на кои има постигнато 5 гола. Сепак, неговиот договор истекува на крајот на јуни и може да замине како слободен играч.
Интересот за Рудигер е огромен, а некои од најголемите европски гиганти сакаат да им се придружи. Фудбалерот веќе имал разговори со некои од нив, но се уште не е потпишан преддоговор. Тој не крие дека неговата желба е да остане во Челси, но под многу подобри услови од оние кои му се предвидени во актуелниот договор.
Во исто време, сепак, на „Стемфорд Бриџ“ владее голема неизвесност околу новиот сопственик, па во оваа фаза клубот не е ангажиран да потпишува толку големи зделки. Така што во оваа фаза е многу поверојатно дефанзивецот да си замине по завршувањето на сезоната.
Така, Рудигер најверојатно ќе треба да избере помеѓу Реал Мадрид, Пари Сен Жермен, Манчестер Јунајтед и Баерн (Минхен) за неговиот нов клуб. Барселона и Јувентус, исто така, ја следат ситуацијата околу Германецот, но во оваа фаза се верува дека попрво се откажале од негово привлекување поради неговите многу високи финансиски барања.