Русија исплати уште една обврска кон странските кредитори – преку американска банка и во долари

Руското Министерство за финансии денеска соопшти дека целосно го платило купонот на еврообврзницата со рок на доспевање во 2029 година, што е второ успешно подмирување на нејзините обврски врз основа на надворешниот долг во изминатата недела.

Според соопштението на министерството, рускиот државен депозитар за порамнувања добил 65,63 милиони долари за уплата на купонот, пренесе Ројтерс.

Исплатата на рускиот купон на државната обврзница која доспева во 2029 година е извршена преку кореспондентската банка JPMorgan Chase & Co., изјави извор за британската агенција.