Русија најави воведување визи за „непријателските земји“, меѓу кои и Македонија

Рускиот министер за надворешни работи Сергеј Лавров денеска најави воведување визен режим за земјите кои претходно беа означени како „непријателски“, вклучувајќи ги Црна Гора, Северна Македонија и Албанија.

Лавров во изјава за државната ТВ Русија 24 најави донесување нов акт со кој, како што наведе, ќе се воведат ограничувања за влез на територијата на Русија.

-Новото ограничување ќе важи за граѓаните од руската листа на „непријателски држави“, рече Лавров, пренесува Танјуг.

Тој додаде дека во тек е подготовката на претседателскиот указ за измени и дополнувања на Законот за визна регулатива.

Русија претходно стави неколку земји на листата на „непријателски земји“, меѓу кои Црна Гора, Северна Македонија и Албанија.