Русија негира ширење теории на заговор за Америка и коронавирусот

од Vladimir Zorba

Русија ги негира обвинувањата дека шири дезинформации за новиот коронавирус на социјалните мрежи.

Американски официјални лица изјавија дека сметките поврзани со Русија изнесувале неосновани тврдења дека вирусот потекнува од Америка.

Илјадници профили на Твитер, Фејсбук и Инстаграм ја шират теоријата уште повеќе, велат официјалните лица.

Руското Министерство за надворешни работи одговори на обвиненијата нарекувајќи ги „лажни“.

„Ова е намерно фабрикувана приказна“, изјави за руската новинска агенција ТАСС, портпаролката на Министерството, Марија Захарова.

Загинаа повеќе од две илјади луѓе, повеќето во Кина, а повеќе од 76,000 се заболеа од новиот коронавирус.

Вирусот, кој за прв пат се појави во кинеската провинција Хубеи, предизвикува респираторно заболување наречено Ковид-19.

Висок функционер на Стејт департментот, Филип Рикер, претходно изјави дека „малигните“ руски актери се обидувале да шират дезинформации за потеклото на вирусот.

Една од теориите на заговор – што кружи на Интернет на повеќе јазици – вели дека вирусот е обид за водење „економска војна со Кина“.

„Со ширењето на дезинформации за вирусот, руските малигни актери повторно избираат да бидат закана за човековата безбедност, дефокусирајќи го вниманието од тоа како светот реагира на кризата“, рече Рикер за АФП.

Според истата теорија, Бил Гејтс беше обвинет за вмешаност во појавата на вирусот.

Според АФП, американските набудувачи први ја забележале дезинформациската кампања кон средината на јануари, набргу по третата потврдена смрт од вирусот.

„Можевме да го видиме целиот екосистем на дезинформации што вклучува државна телевизија, прокси веб-страници и илјадници лажни сметки за социјални мрежи – сите шират иста тема“, вели Ли Габриел, висок функционер на Стејт департментот.

Признаени се истите сметки, кои споделуваат проруски пораки за настани како што се протести во Чиле или војната во Сирија.

Според американскиот Стејт департмент, некои земји во Африка и Азија почнале да се сомневаат во одговорот на Западот на кризата заради наводите.

Руската телевизија, исто така, објави дека западните елити, особено САД, треба да бидат обвинувани за ситуацијата.

Канал 1, една од најголемите телевизиски мрежи на Русија, имаше посебна вечерна програма посветена на теориите на заговор за коронавирусот.

Теоретичарите на заговор, исто така, честопати беа гости на поголемите политички дебатни емисии на Канал 1. Тие велеа дека разни актери од Западот – фармацевтски компании, Америка или нејзините агенции – биле некако вклучени во создавање и ширење на вирусот или барем во ширењето на паника за тоа.

loading...

Слични содржини