Русија очекува турскиот претседател Реџеп Таип Ердоган официјално да ги претстави своите предлози за потенцијални преговори меѓу Москва и Западот на средбата со рускиот претседател Владимир Путин во Астана, изјави денеска за новинарите помошникот на рускиот претседател Јуриј Ушаков.
„Се разговара за неколку иницијативи, главно во медиумите. Прво, Турците го нудат своето посредување. Тие би можеле да претпостават дека, во случај да има некакви преговори или контакти, тие ќе се одржат на нивна територија, или во Истанбул или во Анкара. Можеме да очекуваме дека дотогаш Ердоган на некој начин и официјално ќе ги искаже оние размислувања кои сега се множат во медиумите, бидејќи тие се претставени во различни формати, вклучувајќи ги Русија, САД и водечките земји од Западна Европа“, рече Ушаков, пренесе ТАСС.