Русија планира да започне сериско производство на својата нова бомба Дрел оваа година, објави денеска ТАСС.
Агенцијата наведува дека бомбите Дрел имаат способност самостојно, користејќи инерција и лизгачка патека до целта, да патуваат подолги растојанија и да експлодираат во „вистинскиот момент“.
Дрел е дизајнирана да уништува оклопни возила, копнени радарски станици, контролни центри на електрани и противвоздушни ракетни системи.
Воените аналитичари тврдат дека е исто така отпорна на препреки и радарско откривање, што го отежнува запирањето.
Руски и западни извори велат дека Дрел е тип на касетна бомба, муниција забранета во повеќе од 100 земји.
Украина доби касетни бомби од Америка, додека рускиот претседател Владимир Путин претходно изјави дека Русија ќе користи касетна муниција во Украина „ако мора“.