Руското министерство за внатрешни работи објави видео на кое Дарја Трепова, осомничена за убиство на воениот блогер близок до Кремљ Владлен Татарски, признава дека ја донела фигурата со експлозив во кафулето.
Блогерот, чие вистинско име е Максим Фомин, беше убиен во експлозија на бомба во кафуле во Санкт Петербург, каде што зборуваше на состанокот на организацијата која ја поддржува руската офанзива против Украина „Cyber Z Front“.
Кафулето е во сопственост на водачот на „Вагнер“, Евгениј Пригожин. Повеќе од 30 луѓе беа ранети, од кои неколкумина многу тешко.
Камерите ја снимиле Трепова како го носи пакетот со фигурата и му го предава на еден од водителите, кој потоа го предал на Татарски.
Во интервјуто објавено од руското министерство, Трепова вели дека разбира зошто е приведена. На прашањето зошто, таа одговори: „Мислам дека тоа е затоа што случајно се најдов на местото каде што беше убиен Владлен Татарски“.
„А што направи ти?“, ја прашуваат понатаму.
„Ја донесов фигурата која експлодираше“, одговара осомничената.
На прашањето кој ѝ го дал пакетот, таа одговорила: „Може ли да објаснам подоцна?“.
Russia detained Darya Trepova who is a suspect in the unexplained incident that led to the death of military correspondent Vladlen Tatarsky yesterday in St. Petersburg. She allegedly delivered the figurine which contained explosives to the cafe where Vladlen was holding a meeting… pic.twitter.com/MFZf0t8Sin
— Dmitri (@wartranslated) April 3, 2023
Кремљ го оквалификува убиството на блогерот како терористички чин и тврди дека има докази дека Украина е поврзана со тоа, заедно со поддржувачите на рускиот опозициски лидер Алексеј Навални, кој е во затвор.
Трепова беше на списокот на поддржувачи на Навални, а минатата година веќе беше уапсена на антивоен собир.