Воена дописничка на рускиот државен Канал 1, Ана Прокофиева, загина во експлозија на нагазна мина во близина на украинската граница, објави телевизијата. Како што се наведува, инцидентот се случил на руската страна на границата, во регионот на Белгород.
„Воениот дописник на Канал 1, Ана Прокофиева, го загуби животот додека ја вршеше својата професионална должност“, се вели во соопштението на мрежата. Екипата на „Канал 1“ наиде на непријателска мина“.
Во експлозијата е ранет и снимателот Дмитриј Волков, се додава во извештајот.
Прокофиева, која имаше 35 години, известуваше за војната во Украина за Канал 1 од 2023 година. Нејзината последна објава на апликацијата Телеграм, објавена во вторник, покажува дека таа седи во шума, облечена во воена униформа, со камера закачена на кацигата.
Неколку руски новинари се убиени за време на војната во Украина, меѓу кои и воениот дописник на весникот „Известија“, кој загина во понеделникот во регионот Харков во Украина.
Според Меѓународната федерација на новинари, најмалку 21 новинар ги загубиле животите од почетокот на руската целосна инвазија на Украина во февруари 2022 година.