Руската Федерација не беше избрана во Советот за човекови права на ОН за периодот 2024-2026 година

Генералното собрание на Обединетите нации денеска избра 15 членови на Советот за човекови права за периодот 2024-2026 година, не вклучувајќи ја Руската Федерација, јавува прес-службата на Советот.

„Генералното собрание на ОН избра 15 членки на Советот за човекови права за периодот 2024-2026 година, меѓу кои Албанија, Бразил, Бугарија, Бурунди, Кина, Брегот на Слоновата Коска, Куба, Доминиканска Република, Франција, Гана, Индонезија, Јапонија, Кувајт, Малави и Холандија“, се вели во соопштението објавено на социјалната мрежа Икс (Твитер).

На 7 април 2022 година, Генералното собрание на ОН ја поддржа одлуката за исклучување на Русија од Советот за човекови права на ОН.