13
Во руски напад со дрон врз автобус во југоисточниот дел на Украина, во Дњепропетровска област, загинаа 12 лица, а уште седум се повредени, соопшти гувернерот на регионот Олександр Ханжа.
Ханжа претходно информираше дека во ноќниот руски напад врз градот Днипро животот го загубиле маж и жена.
Украинското воено воздухопловство соопшти дека Русија во текот на ноќта лансирала 90 напаѓачки дронови, од кои 14 погодиле девет локации низ земјата.
Покрај тоа, руско гранатирање го погодило и центарот на Херсон, при што тешко е повредена 59-годишна жена, објави градската воена управа во соопштение на социјалните мрежи.