Научниците од рускиот институт за експериментална медицина започнаа да прават база на податоци за вируси собрани на Арктикот и Антарктикот, кои можат да се користат за лекување на заразни болести против кои антибиотиците повеќе не дејствуваат.
Артеми Гончаров, раководител на лабораторијата за функционална геномика и протеомика на микроорганизми во Институтот, рече дека вирусите на бактериофагите, кои потекнуваат од арктичките екосистеми, може да се користат за производство на лекови за борба против заразни болести кои имаат развиено отпорност на антибиотици.
„Неодамна предложивме стратегија заснована на барање ефикасни бактериофаги во природните екосистеми. И веројатно најперспективниот извор на бактериофаги, според нашите согледувања, се екосистемите поврзани со поларните региони на нашата планета. Арктикот и Антарктикот можат да станат основни снабдувачи на високо вирулентни бактериофаги“, вели Гончаров.
Тој изјави дека научниците, кои биле на експедиција на Антарктикот, откриле дека голема количина бактериофаги може да се најде во живеалиштата на птиците, вклучувајќи живеалишта на пингвини, како и области на слатководни езера. Откриено е дека вирусите можат да бидат изолирани од материјалите складирани во мраз.
Како заклучок, Гончаров забележа дека податоците од овие студии формираат основа за биолошка банка на соеви на бактериофаги на Институтот за експериментална медицина.
Претходно беше објавено дека руската влада ќе продолжи да ги поддржува инвестициските проекти на Арктикот, за кои ќе бидат издвоени над 2.408.000.000 евра.