Руски воен експерт: Москва ќе одговори со „целосно ново оружје“ доколку Киев нападне со „Томахавк“

Рускиот воен експерт Јуриј Кнутов изјави дека Москва ќе одговори со „целосно ново оружје“ доколку украинските сили извршат напади врз руска територија со американски ракети „Томахавк“ со долг дострел.

Тој објасни дека Русија развива и подобрува разни системи кои сè уште не се познати, објавува порталот „РТ“.

„Можеби имаме оружје кое е исто толку деструктивно како нуклеарното оружје, но нема исти негативни последици како нуклеарна експлозија“, рече Кнутов, додавајќи дека таквата можност може да се претпостави врз основа на зборовите на рускиот претседател Владимир Путин.