Рускиот опозициски активист Илдар Дадин, кој се борел на страната на Украина, бил убиен за време на борбите против руските сили во областа Харков, објави поранешната новинарка на „Ехо на Москва“, Ксенија Ларина.
Ларина во објава на X доцна на 5 октомври напиша дека за смртта на Дадин била информирана од Игор Волобујев, поранешен потпретседател на Гаспромбанк, кој исто така се бори на страната на Украина против руската инвазија, пренесe РСЕ.
Смртта на Дадин за „Инсајдер“ ја потврди Легијата на слободата на Русија, која заедно со Украина се бори против руските сили.
Илдар Дадин ја напушти Русија во Полска во март 2022 година за да се бори на страната на Украина. Тој помина една година во Полска подготвувајќи документи кои ќе му овозможат да дојде во Украина и да се приклучи на еден од волонтерските баталјони Руси кои се противат на политиката на Путин.
Во јуни 2023 година, Дадин се приклучи на сибирскиот баталјон. Активистот решил да се приклучи на оваа единица бидејќи, според него, тоа било „практично единствениот начин“ да се бори на страната на Украина.
Дадин го избра прекарот „Ганди“ – во чест на индискиот политичар и борец за слобода Махатма Ганди, поддржувач на ненасилен отпор.
Дадин е првиот човек во Русија кој е осуден според овој член за повеќекратно кршење на правилата за одржување собири. Во март 2016 година тој беше осуден на две и пол години затвор за овој случај.
Една година подоцна, активистот зборуваше за тортурата што ја претрпел во затвор.
Во февруари 2017 година, Врховниот суд ја укина казната на Дадин и му го призна правото на рехабилитација. Во декември истата година, тој доби отштета од државата за незаконско кривично гонење во износ од 2 милиони 200 илјади рубли.
Членот по кој беше суден активистот почна да се вика „Дадинскаја“.