Русија се спротивставила на присуството на македонскиот министер за надворешни работи, Бујар Османи на дебатата во ОН, во улога на претседавач со ОБСЕ и реагирала до албанското претседателство.
Рускиот амбасадор Василиј Небензја го обвинил албанскиот премиер Еди Рама за „еклатантно кршење на процедурите“ и предупредил дека ова може да се претвори во шоу.
„Ние не сме против учеството на Зеленски, но работите мора да се спроведуваат според правилата. Оние кои не се земји-членки мора да зборуваат по земјите-членки. Албанското претседателство покажа јасни прекршувања“, рекол рускиот претставник.
Рама, кој вчера претседаваше со состанокот, како одговор на руската делегација нагласи дека дневниот ред е однапред испратен до сите членки на Советот за безбедност и дека било какви приговори требало да бидат изнесени пред почетокот на расправата.
Според албанскиот премиер, давањето збор на украинскиот претседател им дава можност на земјите-членки да одговорат на неговите прашања, што е долгогодишна практика на Советот за безбедност и во целосна согласност со правилата.
„Тешко ми е да го разберам второто прашање (за присуството на Бујар Османи) бидејќи ОБСЕ има голем придонес и ние сме тука благодарение на неговиот придонес. Да, претставникот на ОБСЕ е Албанец од Македонија, но би сакал да кажете јасно во што е проблемот. Морам да кажам дека од ваша страна целото ова предавање во оваа зграда е прилично впечатлив удар. Навредата овде е што (украинскиот претседател Володимир) Зеленски ќе зборува? Запрете ја војната и Зеленски нема да одржи говор“, порачал Рама.
Албанија го презеде претседавањето со Советот за безбедност на ОН на 1-ви септември.