На 12 јануари Претседателот на Одделот за надворешни црковни односи на Московската патријаршија митрополитот Волоколамски Антониј го посети Лесновскиот манастир на денот на споменот на свети Гаврил Светогорец, епископ Велички, кој е особено почитуван во манастирот. Митрополитот Антониј учествуваше во Божествената Литургија, на која заедно со другите членови на делегацијата на Руската православна црква сослужеа со Поглаварот на Македонската православна црква – Охридска архиепископија Неговото Блаженство Архиепископот Охридски и Македонски г.г. Стефан, кој ја водеше литургијата, информираат од Руската православна црква (РПЦ).
Во црквата се молеа Амбасадорот на Русиjа во земјава Сергеј Баздникин, монаси од Романската и Македонската православни цркви, аџии и бројни парохијани.
-Во својата проповед Неговото Блаженство Архиепископот г.г. Стефан, особено го истакна историското значење на сегашното сослужение на македонските иерархи со рускиот архиереj, кое се одржа за прв пат од 1962 година, кога блажено упокоените Првоархиереи Неговата Светост Патријарх Московски и на цела Русија Алексиј I, Неговата Светост Патријарх на Србија Герман и Архиепископ Македонски Доситеј. Архиепископот изрази надеж дека, во моментот угодно на Господ Бог, ќе може да сослужи со Неговата Светост Патријархот Московски и на цела Русија Кирил.
Владика Антониј му се заблагодари на митрополитот Брегалнички г. Иларион за неговото гостопримство, нагласувајќи дека во неговото срце сеќавањето на посетата на манастирот, на неговите прекрасни светилишта и прекрасните фрески засекогаш ќе биде поврзано со многу важен спомен што токму во овој манастир тој првпат го имал можност да сослужи со македонските архипасти на Божествената Литургија: „Се молевме да дојде овој ден, работевме максимално за тоа и среќни сме што денес станавме учесници на овој празник на верата“, велат од РПЦ.