Рускиот министер за природни ресурси и екологија Сергеј Донски соопшти дека докажаните резерви на нафта во земјата ќе бидат доволни за 28 години, пишува весникот “Россискаја газета”. Во моментов тие се околу 29 милијарди тони и се очекува да се исцрпат во 2044 година
Според Донски оваа нафта сепак може да се екстрахира од утробата на земјата само теоретски. Тој додаде дека обемот на докажаните резерви “, за кои знаеме каде и колку ги има, ги добиеме, е двапати помал – околу 14 милијарди тони, покажуваат проценките на експертите”, пишува Фокус.
Рускиот министер истакна дека расте процентот на тешка нафта, чиј ископ е поврзуван со развојот и на други технологии. Според неговото мислење екстракција на традиционалните резерви за нафта ќе почне да паѓа уште од 2020 година, затоа истражувањата нема да бидат запрени.