Руските туристи од денеска повеќе не можат да влезат во Полска, Литванија, Летонија и Естонија со важечки шенген визи, со исклучок на Русите кои се политички прогонувани од нивниот режим или на неопходни посети од хуманитарни причини.
„Бидејќи огромното мнозинство Руси ги поддржуваат акциите на Владимир Путин во Украина, мислам дека таквите одлуки за ограничување на можноста за патување на руски државјани со шенген визи се апсолутно оправдани“, изјави денеска заменик-министерот за надворешни работи на Полска, Марчин Пшидач, пренесе Полското радио.
Полска и балтичките земји ја искористија дополнителната можност што им беше дадена со одлуката на Европската унија да се укине визната либерализација и да им отежне на руските туристи да добијат виза за да не одат на шопинг или одмор во ЕУ додека трае војната во Украина.
Земјите-членки добија право да ги користат своите национални мерки за да го спречат влезот на руски државјани на нивната територија, што го користеа Полска и балтичките републики, додека Финска, за која се веруваше дека ќе се приклучи на договорот, одби бидејќи, според објава на финските власти, општа забрана за влез на државјани на една земја спротивно на националното и меѓународното право.
Наместо тоа, Финска ги намали на минимум, само 10 отсто од барањата, визите кои им ги одобрува на Русите.