Поранешниот амбасадор и професор Нано Ружин смета дека постојат држави кои прво се конституирале како држави, а потоа се освестуваат како нации.
-Таков е случајот со Франција. Постојат држави кои не успеале на време и почнале да се освестуваат по националност, меѓутоа државата ја формираат подоцна. Како кај нас, ние имаме различни националности. Постојат доцнења. Тука е проблемот, така се поставува Бугарија. Таа се претставува како држава-нација. Во тоа е проблемот на дефункционализација. Затоа треба да бараме други прашања. Макрон дека ќе ги уплаши со Пиринска Македонија, не верувам во тоа. Национално чувство е во тоа како се чувствувам во моментов, а не да се наметнува. Макрон има грижа на совест за С. Македонија и сега се обидува да ја поправи грешката, вели Ружин во емисијата „24 анализа“, говорејќи за правата на малцинствата и заедниците.
Тој истакнува бугарскиот премиер Кирил Петков ќе преживее на власт, бидејќи во овие критични моменти, Бугарија нема друга солуција.