Шефот на македонската дипломатија Бујар Османи уште еднаш повтори дека земјава не ги признава резултатите од референдумите во четирите украински региони организирани од официјална Москва.
-Силно ги осудуваме лажните референдуми во Украина кои претставуваат сериозно прекршување на меѓународното право. Резултатите се ништовни и Северна Македонија нема да ги признае. Го поддржуваме суверенитетот и територијалниот интегритет на Украина“, сподели Османи на Твитер, додавајќи го хаштагот од Твитер профилот на неговиот украински колега, Дмитро Кулеба.
Strongly condemn the sham “referenda” in 🇺🇦 that represent a severe violation of international law. The results are null and void and will not be recognized by #NorthMacedonia. We #StandWithUkraine in support of its sovereignty & territorial integrity @DmytroKuleba
— Bujar Osmani (@Bujar_O) September 30, 2022
Рускиот претседател Владимир Путин денеска „свечено“ прогласи анексија на четири окупирани региони на Украина на раскошна церемонија во Кремљ.
Четирите украински територии, Херсон и Запорожје на југ и Доњецк и Луганск на исток, формираат клучен копнен коридор меѓу Русија и полуостровот Крим, кој Москва го анектираше во 2014 година.
Сите пет заедно сочинуваат околу 20 отсто од територијата на Украина.