САД: Едно лице загина, а неколкумина се повредени во експлозија во фабрика

Американските власти на државата Охајо денеска истражуваат што ја предизвикало експлозијата во фабриката за метал во Оуквуд Вилиџ, во која едно лице го загуби животот, а неколку други се повредени.

Според извештајот на здравствените власти, едно лице е потврдено дека починало во инцидент во близина на градот Бедфорд што се случил во понеделникот попладне, пренесува Fox News.

Противпожарната служба на селото Оуквуд претходно соопшти дека 13 лица биле пренесени во болница по инцидентот, а најмалку две се во критична состојба.