Авганистанските талибански власти ќе дозволат меѓу 100 и 150 западни државјани, вклучително и Американци, да полетаат од Кабул во наредните часови, соопштија катарските власти, што е прв таков лет откако американските војници се повлекоа од земјата.
Голема група странци денеска ќе патуваат со летот на компанијата Катар ервејс, која претходно доставуваше хуманитарна помош во Авганистан, изјави специјалниот катарски пратеник Мутлак бин Маџид ал-Катани, пренесува агенцијата АП.
Ал-Катани рече дека тоа е првиот меѓународен комерцијален лет од аеродромот во Кабул откако американските војници се повлекоа кон крајот на август, проследено со хаотичен транспорт на десетици илјади странски државјани и Авганистанци кои бегаа од Талибанците.
„Наречете го како сакате, чартер или комерцијален лет, секој има билети за качување“, рече Ал Катани, додавајќи дека уште еден таков комерцијален лет ќе има во петок.
Ал-Катани изјави дека се надева дека животот во Авганистан ќе стане нормален.
Друг неименуван катарски функционер изјави дека се очекува да нападнат голем број граѓани на западните земји.
Како што е наведено, тоа значи и дека американските претставници постигнале договор за овој лет со новите талибански владетели.