100
Американски авиони Б-1Б ќе учествуваат во вежбата „Vigilant Storm“ на сојузниците, која се одржува на небото над Корејскиот полуостров, соопштија јужнокорејските воздухопловни сили.
Претходно, Сеул соопшти дека и САД и Јужна Кореја одлучиле да ги продолжат вежбите за уште еден ден до 5 ноември, објави во петокот јужнокорејската новинска агенција Јонхап.
Заедничките вежби меѓу двата сојузници започнаа на 31 октомври и требаше да завршат на 4 ноември, но беа продолжени до 5 ноември, се наведува во извештајот на eurasiantimes.com.
– Пјонгјанг ја смета одлуката за продолжување на вежбата „Vigilant Storm“ за „многу опасен“ избор и „ужасна грешка“, изјави секретарот на Централниот комитет на Работничката партија на Кореја, Пак Јонг Чун.