Соединетите Американски Држави денеска објавија дека ќе испратат дополнителни 400 милиони долари помош за Украина, вклучително и реновирање на тенковите Т-72 и противвоздушните ракети Хок.
Портпаролката на Пентагон Сабрина Синг изјави за новинарите дека САД ќе доделат средства за 45 тенкови Т-72 од Чешка, кои ќе бидат реновирани, а парите ќе бидат инвестирани и во реновирање на противвоздушните ракети Хок, пренесе Ројтерс.
Таа рече дека покрај средствата за реновирање на ракетите Хок, ветените средства од Украинската безбедносна иницијатива (УСАИ) ќе ги обноват тешките тенкови од советската ера и дека ќе имаат напредна оптика, комуникации и оклопни пакети.
Тенковите треба да ги реновира приватната чешка фирма ЦСГ и кога ќе заврши работата, тие ќе бидат еквивалентни на Т-72 Авенџер.
Парите се наменети за набавка на 1.100 беспилотни воздушни системи „Феникс“ и 40 оклопни речни чамци.