САД ја осудуваат новата затворска казна од 19 години за Навални

Соединетите Американски Држави денеска ја осудија одлуката на рускиот суд кој го осуди опозицискиот политичар Алексеј Навални на 19 години затвор.

„Ова е неправеден крај на неправеден процес“, се вели во соопштението на Стејт департментот.

Се додава дека Кремљ со години се обидува да го замолчи Навални и дека со новата процедура руските власти уште еднаш покажале дека оние кои се осмелуваат да го критикуваат режимот не можат да сметаат на правично судење.