САД се убедени дека можат да ги решат сите безбедносни проблеми што би можеле да ги имаат Шведска и Финска во периодот меѓу барањето за членство во НАТО и приемот во таа организација, соопшти Белата куќа.
„Убедени сме дека можеме да најдеме начини да ги решиме сите проблеми што би можела да ги има која било од овие две земји во периодот меѓу барањето за членство во НАТО и формалниот пристап кон оваа организација“, рече портпаролката на Белата куќа Џен Псаки на конференција за новинари, пренесува „Ројтерс“.
Шведска и Финска се загрижени дека за време на процесот на аплицирање за членство во НАТО, кој може да потрае и до една година, бидејќи е потребна согласност од сите членки на Алијансата, не можат да се одбранат од можните обиди на Русија да ја загрози нивната безбедност.