Администрацијата на Бајден се обидува да ги зголеми четирикратно тарифите за електричните возила од Кина. Овој потег, сепак, не ја затвора важната дупка што кинеските компании би можеле да ја искористат за да продаваат електрични возила во САД.
Според американските медиуми, се верува дека претседателот Џо Бајден се подготвува да воведе царини од речиси 100 отсто за кинеските електрични возила. Ова е значително зголемување во однос на претходната тарифа од 25% и ја елиминира секоја шанса таквите возила да влезат на американскиот пазар.
Сепак, постои една дупка (мексиканска) што треба да се разгледа. Новите тарифи, кои најверојатно ќе станат официјални следната недела, ќе важат не само за електричните возила, туку и за батериите и соларните панели од Кина.
Треба да се напомене дека овие нови царини, наводно, не прават ништо за да ја елиминираат големата дупка што Кина може да ја искористи за да внесе електрични возила во САД. Таа дупка е Мексико, земја во која некои кинески компании потенцијално би можеле да ги произведуваат своите електрични возила. Ако го сторат тоа, тогаш ќе можат да ги избегнат тарифите кога ги носат овие возила на американскиот пазар.
Минатиот месец, под притисок на САД, Мексико престана да нуди федерални стимулации за кинеските производители на автомобили да отворат производствени капацитети во земјата.
Од своја страна, Доналд Трамп изрази желба да воведе царини од 60 отсто за сите кинески производи доколку победи на претседателските избори во ноември.