Администрацијата на американскиот претседател Џозеф Бајден најави дека ќе испрати уште еден пакет воена помош за Украина во вредност од една милијарда долари (980 милиони евра). Тоа е најголемата испорака на оружје за Украина од американските резерви.
Новиот американски пакет помош вклучува дополнителна муниција за ракетните системи од типот ХИМАРС, како и артилериска муниција, минофрлачки системи, противтенковски ракетни фрлачи и друга муниција и опрема.
Со него вкупната вредност на американската воена помош за Украина ќе биде околу девет милијарди долари (8,8 милијарди евра).
Пакетот објавен денеска им овозможува на САД побрзо да испратат оружје и опрема во Украина, бидејќи тие ќе бидат испратени од залихите на Министерството за одбрана на САД.