САД најавува санкции против кинеските компании кои работат со Русија

Кинеските компании кои се противат на американските санкции и ограничувањата на извозот во Русија може да добијат забрана за набавка на американска опрема и софтвер што им се потребни за производство, изјави за New York Times американската министерка за трговија – Џина Раимондо.

Соединетите Држави би можеле целосно да ја затворат секоја кинеска компанија која ќе им пркоси на американските санкции со тоа што ќе продолжи да испорачува чипови или друга напредна технологија за Русија, предупреди Раимондо, пренесе Ројтерс.