Стејт департментот денеска распиша потерница со награда вредна 2,5 милиони долари, а според Програмата за награди за транснационален организиран криминал, за информации што ќе доведат до апсење или осуда на Белорусинот Володимир Кадарија за неговото наводно учество во организација за ширење злонамерен софтвер.
Кадарија е обвинет за киберкриминални прекршоци поврзани со наводен план за пренос на АЕК (Angler Exploit Kit) , друг злонамерен софтвер и онлајн измами на компјутерите на милиони интернет корисници преку онлајн реклами – таканаречен „malvertising“ – и други средства, од октомври 2013 до март 2022 година. Во одредени периоди за време на овој план, AEK беше главен начин преку кој киберкриминалците доставуваа малициозен софтвер на компромитирани електронски уреди.
На 14 јуни 2023 година, Кадарија бил обвинет во Окружниот суд на Њу Џерси за заговор за измама преку интернет, заговор за компјутерска измама и две точки за извршување на измама преку интернет.