152
Американските федерални истражители обвинија тројца членови на источноевропска криминална организација поврзана со иранската влада за заговор за убиство на американскa новинарка и активистка со иранско потекло, објави министерот за правда Мерик Гарланд.
Рафат Амиров, Полад Омаров и Калид Мехдијев се обвинети дека биле платени за убиство и перење пари за нивната улога во заговорот зад Техеран, се вели во соопштението за печатот од министерството за правда, пренесе „Гласот на Америка“.
„Жртвата пишуваше за случаи на кршење на човековите права од страна на иранската влада, дискриминација на жените, сузбивање на демократското учество и изразување, произволни апсења, тортура и егзекуции“, рече Гарланд.